m. 92: Perdoa o Deportivo o 4-1, após ficaren sós perante Javi Varas Pizzi e Salamão.
m. 84: Bergantiños substitúe Valerón.
m. 79: Park retalla no taboleiro de marcas logo de boa xogada de Kroh-Dhelin. GOL
m. 78. Salomão fai o 3-0, após asistencia maxistral de Valerón. GOL
m. 76: Salomão substitúe Riki. Está claro que Fernando non convence en Nelson Oliveira. Pizzi ponse de 9.
m. 74: Valerón acha un oco imposíbel, a bola acaba nas botas de Bruno Gama, que se escora de máis e fica sen ángulo para marcar.
m. 72: Abel Aguilar pon a proba a Javi Varas desde lonxe. Boa resposta do gardamallas celeste.
m. 71. Falta a Manuel Pablo. O Celta parece roto. O Deportivo monopoliza a bola.
m. 68: Park substitúe Mario Bermejo.
m. 64. Engancha un remate imposíbel Silvio no balcón da área celeste, após a enésima internada e centro de Bruno Gama. GOL.
m. 61: Bruno Gama muda de banda e provoca un novo córner.
m. 58: Cada vez máis protagonista Bruno Gama desde a banda dereita. Novo córner a prol dos branco azuis.
m. 55: Orellana substitúe De Lucas.
m. 54: Aythami bombea unha pelota desde campo propio, ás costas dos centrais. Riki perdoa o segundo.
m. 53: Pizzi desbalde unha boa internada de Manuel Pablo pola beira dereita.
m. 50: Demidov xógase un novo cartón amarelo.
m. 48: O Deportivo non altera o seu deseño, embora ter un home máis. Agarda ao Celta no seu campo e especula con matar o xogo nunha contra.
m. 47: Novo córner a prol do Celta.
m. 46: Comeza a segunda parte.
m. 46: Equivócase o árbitro ao sinalar un fóra de xogo a Mario Bermejo.
m. 45: O árbitro concede dous minutos de tempo engadido.
m. 43: Cartón amarelo a Aythami.
m. 41. Quita unha falta o Celta desde a banda dereita, sarillo na área coruñesa e lixeiro empurrón a Mario Bermejo, dificilmente puníbel como penalti. O Deportivo está a conceder demasiadas xogadas a balón parado.
m. 33: Nova obra mestra de Valerón que filtra unha asistencia de gol ás costas dos centrais celestes, chuta con moita intención Riki e Javi Arenas despexa ao córner.
m. 30: Na repetición televisiva da xogada dá toda a impresión de que Marchena tamén agride a Aspas, como resposta á inicial cabezada do dianteiro celeste.
m. 28. Expulsan a Iago Aspas por propinar unha cabezada a Marchena, logo dunha lea na área deportivista.
m. 27: Internada de Bruno Gama con moito perigo, primeira vez que desbordan os branco azuis pola dereita.
m. 13: Con todo, pouco a pouco o Celta vai recuperando o mando do xogo, do ponto de vista territorial. O Depor semella atoparse cómodo deixando o campo libre aos celestes e apostando nos contragolpes
m. 11: O gol deixa lixeiramente groggy o Celta. O Deportivo está a desequilibrar coas incursións de Pizzi e a criatividade de Valerón.
m.8: A tensión furouna a bota de veludo de Valerón, cunha asistencia de mestre a Riki, esas bolas que o madrileño non costuma fallar. Minuto 8 e o Deportivo ponse por diante no taboleiro de marcas. GOL
m. 5: Moito medo a fallar nos primeiros compases de xogo en Riazor. O Deportivo tenta controlar a bola. Está clara a aposta de Fernando por Juan Domínguez. No Celta non está Kronh-Delhi, porque Abel Resino procura maís presión e intensidade no centro do campo.