Por que a FIFA se negou a emitir un discurso de Zelenski durante a final do Mundial?

Desde o inicio da guerra, Zelenski lanzou discursos (en directo ou gravados) ante numerosos órganos internacionais.
O presidente de Ucraína, Volodimir Zelenski. (Foto: Presidencia de Ucraína)
photo_camera O presidente de Ucraína, Volodimir Zelenski. (Foto: Presidencia de Ucraína)

A FIFA rexeitou a petición de Ucraína en que solicitaba que se emitise un discurso do presidente do país, Volodimir Zelenski, nas pantallas do estadio de Lusail durante a previa da final do Mundial de Qatar este domingo, segundo fontes propias da cadea CNN.

Esta negativa do organismo deportivo sorprendeu a Presidencia ucraína, que pensaba que "a FIFA iría usar a súa plataforma para o ben común", segundo recoñeceron as mencionadas fontes.

Decisión non definitiva

Con todo, Ucraína e a FIFA poderían estar aínda a manter conversas, polo que a decisión parece non ser aínda definitiva.

Desde o inicio da guerra, o presidente Zelenski lanzou discursos (en directo ou gravados) ante numerosos órganos internacionais, incluídos os Parlamentos de parte da comunidade internacional.

Zelenski aproveitou as súas alocucións para denunciar a situación, iniciada a finais de febreiro, e para pedir á comunidade internacional unha denuncia unánime pola "agresión do país veciño á soberanía e integridade territorial de Ucraína".

Os motivos da FIFA

Pola súa parte, a negativa da FIFA vén dada para "non marcar liñas políticas" e, segundo o organismo, "vai na liña da estratexia ao longo de todo o Mundial de fútbol en Qatar".

A cita espertou críticas a nivel internacional pola situación dos Dereitos Humanos no país do Golfo.

Comentarios