O Real Club Celta (17º clasificado da Primeira División con 21 puntos) abre a xornada para os equipos galegos nun duelo a vida ou morte ante un rival directo na loita pola salvación, o Leganés (19º clasificado con 19 puntos).
Os celestes esperan prolongar a boa xeira de sensacións e resultados das últimas xornadas cunha vitoria ante un conxunto pepinero que chega a Balaídos sen a súa máxima estrela, Martin Braithwaite, que acaba de fichar polo Barcelona.
Os albivermellos queren saír do descenso
Pola súa banda, o Club Deportivo Lugo recibe mañá ás 12 horas o Real Oviedo. O conxunto asturiano está empatado a 28 puntos cos galegos, e unha vitoria albivermella podería sacar os de Curro Torres dos postos de descenso por primeira vez en case dez xornadas.
