Nova derrota do Monbus Obradoiro, a sexta consecutiva, o que afonda na crise dun equipo que suma tan só un triunfo nos últimos dez partidos.
Nesta ocasión caeu no Sar ante o líder da ACB e un dos mellores equipos da categoría, o Real Madrid de Laso, Taylor, Tavares e compañía por unha puntuación de 71 a 87.
Con todo, e como acontecera no partido da pasada fin de semana ante Unicaja, o Obra deu a cara.
O equipo compostelán exhibiu sinais para afrontar o tramo final da tempada con optimismo.
No entanto, este novo tropezo signifique continuar na zona baixa da táboa.
O fundamental, agora, é conseguir a definitiva recuperación física dun equipo que continúa acusando sobre a pista os efectos da parada dun mes a causa dun gromo de coronavirus.