A Coruña podería este ano voltar a gozar dunha liga de hockey a patíns. O Liceo vai camiño de gañar este título, que desde 1993 se lles escapa aos herculinos. Nesta fin de semana, todo se puxo de fronte aos coruñeses para ir avanzando no obxectivo de traer a Liga OK para Galiza. O Liceo derrotou este sábado por 8 a ao Sant Feliu. Mentres, o Barça caída derrotado de xeito inesperado. E xa van dous partidos consecutivos dos cataláns perdendo.
Agora, o Liceo ten 8 puntos máis que o Barça. Aínda fica liga por diante, mais na Coruña confían na potencia dun Liceo que semella non estar disposto a deixar pasar por diante a posibilidade de volver enarborar o título de campións da Liga OK. Cómpre lembrar que a equipa galega, fundada en 1972, fíxose o ano pasado co Campionato de Europa.
