Fernando Vázquez confía en realizar unn bo papel diante do Barça este sábado. "Vexo o equipo moi ben animicamente”, asegurou en conferencia de imprensa en Riazor. O actual treinador do Depor é consciente de que “as dificultades son todas, só hai que mirar a clasificación", mais non dá a salvación por perdida. Desde a súa chegada á Coruña non se cansa de repetir que “até que a equipa non estea matematicamente en Segunda, continúo a pensar que é posíbel”.
A listaxe de 18 xogadores convocados está formada por: Aranzubia, Manuel Pablo, Alex, Aythami, Pizzi, Juan Domínguez, Assunção, Lux, Abel Aguilar, Bruno Gama, Ayoze, Camuñas, Silvio, Jesús Vázquez, Valerón, Salomão, Nelson Oliveira e Insua.
Riki non viaxará
O treinador do Deportivo xa avisara que Riki non sería titular no partido do Camp Nou contra o Barça. Fernando Vázquez non contará con el até ter “unha seguridade absoluta de que está ben” logo de falar co equipo médico. Fernando sabe que o xogador quer estar no Camp Nou, aínda que “o partido máis asequíbel é o da xornada vindeira contra o Celta”. Segundo deixou claro “o máis intelixente é non arriscar, pensando máis no Celta que no Barça”.
Fernando Vázquez: “Ao Barça só se lle pode xogar ou moi arriba ou moi atrás, as dúas maneiras son correctas”
![Publicidade 195255]()
Proba de lume para Nelson no Camp Nou
“Nelson ten que mellorar en competitividade, é moi novo”, comentou Fernando Vázquez sobre o dianteiro internacional portugués, “ten que autorreflexionar e dar moito máis do que está a dar agora”, sinalou. O “recado” do treinador chega nun intre delicado no que o Depor precisa puntuar canto antes, mesmo contra o líder na clasificación. Vázquez non entrou en polémicas e explicou que o portugués ten toda a súa confianza como para xogar este partido no Camp Nou.
O Barça
Malia a eliminación da Copa do Rei e algún que outro resultado negativo nos últimos partidos, a equipa culé segue a ser un riva formidábel. “Sacarlle a pelota ao Barcelona é case unha tarefa imposíbel, impón tanto o seu estilo que a xente non llo discute”, afirmou Fernando Vázquez, “só se lle pode xogar de dúas maneiras: ou moi arriba ou moi atrás, as dúas son correctas”. Algo que ten seguro o treinador do Depor é que non sairá a empatar. “Ninguén pensa en empatar, penso en gañar”.
Os xogadores tamén contan con saír a polo Barça. Juan Carlos Valerón asegurou en conferencia de imprensa que “é un campo difícil contra unha equipa dificil, tentaremos sorprender, dar o mellor de nós”. Valerón afirmou que os seus compañeiros seguen “con ilusión e preparados para os partidos que veñen agora con rivais moi directos”. O centrocampista Paulo Assunçao conta con que o do sábado será un partido "complicado e duro" no que "temos que procuparnos por non errar".
Actos da peña deportivista de Barcelona
A peña deportivista de Barcelona organiza varias actividades o mesmo día do partido. Pola mañá disputan un amigábel entre membros da peña e seareir@s culés (10 h.). logo visitarán o hotel de concentración da equipa coruñesa e xantarán na sede da propia peña. Teñen previsto saír para o Camp Nou cara ás 18 h.
Tamén esta fin de semana Barcelona contará cunha peña deportivista máis. Aproveitando a presenza do Depor nesa cidade, fundarase a Peña deportivista 'Miau Miau'.
