A equipa de Mourinho non ten opcións de conquistar o título, mas si a segunda praza, que lle daría acceso directo á Champions. Os brancos xa están a só dous pontos do Atlético de Simeone. Con todo, é probábel que acusen o desgaste do xogo de volta en Old Trafford co United.
É presumíbel que Abel Resino aposte nun xogo o máis físico posíbel, para tirar proveito de que no contaquilómetros do Real está a piques de se acender a luz vermella após o exixente choque co Manchester. O Celta confía en rendibilizar a resaca europea do Real. O discurso oficial é, claro, moi outro. "Espero o mellor Madrid", di Borja Oubiña. "Os futbolistas que levan ese escudo [polo do clube branco] están obrigados a daren sempre o máximo de si propios", engadiu.
Para facer equipa, Abel convocou os 20 futbolistas disponíbeis. Só ficarán nas bancadas os tres lesionados: Natxo Insa, Samuel e Mallo.
