Javier Gómez Noya, pentacampión do mundo, rematou en cuarto lugar (1h35min) a proba mundial disputada na tarde do domingo na localidade inglesa de Leeds. O galego ficou cortado na primeira parte da carreira ciclista e remontou na carreira a pé, onde asinou o mellor parcial.
Os irmáns ingleses Brownlee, nos que estaban postos todas as olladas, finalizaron nos dous primeiros postos e o australiano Aaron Royle rematou a proba –que consistiu en 1,5 km a nado, 40 km en bicicleta e 10 km de carreira a pé- en terceiro lugar.
O mellor triatleta da historia decidiu esta temporada renunciar ao Mundial para se centrar nos Xogos Olímpicos e chegar en perfectas condicións a río. Cinco veces campión do mundo, foi prata nos Xogos de Londres 2012.