Gómez Noya voltou a reinar. Fíxoo derrotando a Jonathan Brownlee, un dos prodixios británicos, en Londres, na recta final dos 10.000 metros lisos, após previamente exhibirse como adoita na piscina e sobre a bicicleta.
A cousa decidiuse, como nos Xogos Olímpicos de 2012, tamén decorridos en Londres, entre os irmaos Brownlee e o portento galego.
Alistair, o favorito, non puido optar ao trunfo porque unhas molestias físicas na proba atlética o deixaron fóra de toda opción a disputar a medalla de ouro nos metros finais. O seu corpo dixo abonda. O de Gómez Noya, non. O galego completou os 10.000 metros en menos de 30 minutos. E non só iso: administrou a gasolina con tanta sabedoría como para bater a Jonathan nun sprint final dramático.
Este é o terceiro mundial para o triatleta galego, que xa se cinxira a coroa en 2008 (Vancouver) e 2010 (Budapest).
