xoves 27.02.2020

A galega Ana Peleteiro loitará polas medallas no Mundial de Atletismo

Nunha fase de clasificación marcada pola igualdade, Ana Peleteiro logrou un salto de 14,23 metros que foi abondo para meterse nunha final que terá lugar ás 19:35 horas galegas do sábado 5 de outubro e poderá verse por televisión ou na pantalla xigante que instalarán na praza do Concello de Ribeira.
Ana Peleteiro, finalista do Mundial de Atletismo.  Foto: Arquivo
Ana Peleteiro, finalista do Mundial de Atletismo. Foto: Arquivo

A galega Ana Peleteiro, vixente campioa de Europa, clasificouse para a final do Mundial de Atletismo de Doha na categoría de triplo salto. Unha marca de 14,23 no seu segundo intento foi suficiente para conseguilo, acadando a terceira posición dun Grupo B encabezado pola gran favorita, a venezolana Yulimar Rojas, que está adestrada por Iván Pedroso, lenda da disciplina. Por outra banda, o grupo A foi encabezado pola campioa olímpica, Caterine Ibargüen, de Colombia, que saltou 14,32 metros.

O concurso polas medallas do triplo feminino disputarase o sábado ás 20.35 horas de Doha (19.35 en Galiza) e ademais de en televisión poderá ser visionada nunha pantalla xigante que instalarán na praza do Concello en Ribeira.

comentarios