A Federación vasca pide ser admitida na UEFA e FIFA como membro independente da española

Un paso para que a selección de fútbol de Euskadi poida competir oficialmente.

Euskal Selekzioaren eta  Boliviako selekzioaren arteko futbol partida. Argazkian, Euskal Herriko Selekzioa partidua hasi aurretik. 

Partido de futbol entre la SelecciÛn Nacional de Euskal Herria y la SelecciÛn de Bolivia. En la imagen, la selecciÛn de Euskal Herria antes del partido.

A Federación Vasca de Fútbol (Euskadiko Futbol Federakundea, EFF) solicitou oficialmente a súa admisión na UEFA e FIFA como membro independente da española. Unha decisión adoptada en Durango con 43 votos a favor, unha abstención e a ausencia dunha parte dos delegados (a asemblea ten 124 integrantes). Entre as persoas presentes con dereito a voto estaban varios xogadores da Real Sociedad, Athletic de Bilbao, Eibar e Alavés.

Desde a Federación vasca asumen que os maiores obstáculos a que esta petición chegue finalmente a ser admitida van proceder da Federación Española de Fútbol (FEF), que dixo descoñecer a solicitude cursada desde Euskadi.

A EFF defende a lexitimidade da súa petición e lembran que na UEFA e FIFA non están presentes só as federacións de estados: neste sentido, sinalan a existencia nos organismos non só da ‘especificidade’ británica (Gales, Escocia) senón de federacións de territorios como as Feroe (que fan parte de Dinamarca) ou Xibraltar (Reino Unido).

A solicitude da EFF procura que a selección vasca de fútbol poida competir oficialmente e en igualdade de condicións co resto de seleccións nacionais. Unha demanda de vello que ten o apoio non só de recoñecidos xogadores vascos senón tamén de parte da sociedade vasca e que se concretou na plataforma Esait.

Comentarios