3-3

O Dépor acaricia a vitoria mais non pasa do empate co Málaga

O Dépor sumou na noite do domingo o duodécimo partido sen gañar. Aínda que estivo a piques de facelo, un gol en propia porta impediu que superase o Málaga.

[RCDC] Xogadores do Dépor celebran un dos goles
photo_camera [RCDC] Xogadores do Dépor celebran un dos goles

Todo apuntaba a que os coruñeses sairían de Riazor cos tres puntos, mais un gol en propia porta de Arribas no minuto 89 impediu que o Dépor rachase a xeira de partidos sen gañar, que suman xa 12. O primeiro dos goles subiu ao marcador do Málaga e foi obra de Charles, a balón parado, cando pasaba media hora da primeira parte.

Os coruñeses empataron antes do descanso. Porén, a felicidade non durou demasiado e no minuto 63 Camacho volvía castigar o Dépor nun córner. Máis unha vez, os branquiazuis souberon impoñerse grazas ao tanto marcado por Fede Cartabria após nove minutos do gol de Camacho.

No minuto 80, Lucas asinaba o seu décimo quinto gol no que vai de Liga e puña o Dépor por diante. Cando Riazor pensaba que desta vez deixaría os tres puntos da vitoria na casa, unha desafortunada xogada a balón parado rematou co soño coruñés. Arribas marcaba en propia porta e deixaba o marcador en táboas.

Deportivo: Lux, Juanfran, Arribas, Fernando Navarro, Luisinho, Álex Bergantiños (Fayçal Fajr, min. 67), Pedro Mosquera, Borges, Fede Cartabia (Jonás, min. 83), Lucas (Oriol Riera, min. 85) e Luis Alberto.

Málaga CF: Kameni (Ochoa, min. 37), Rosales, Weligton, Albentosa, Miguel Torres, Atsu, Recio, Camacho, Chory Castro (Horta, min. 46), Santa Cruz (Pablo, min. 54) e Charles.

Goles: 0-1 Charles (min. 29); 1-1 Borges (min. 43); 1-2 Camacho (min. 63); 2-2 Fede Cartabia (min. 69); 3-2 Lucas (min. 80); 3-3 Arribas, en propia meta (min. 89).

Árbitro: Velasco Carballo (C. madrileño). Expulsou por dupla amarela Camacho (min. 77 e 93). Amoestou Luis Alberto (min. 21), Miguel Torres (min. 41), Álex Bergantiños (no descanso), Charles (min. 53), Pedro Mosquera (min. 78), Lopo (min. 91), Albentosa (min. 93) e Manu Fernández (min. 94).

Comentarios