O Celta dominou o encontro desde o primeiro minuto, coa posesión do esférico mais sen crear xogadas de perigo. Esa superioridade tamén foi numérica desde o minuto 24, cando Fazio viu a segunda tarxeta amarela por unha dura entrada a Pablo Hernández.
Lonxe de se afundir, o Sevilla fixo todo o posíbel por non fecharse atrás. Ese empuxe provocou o primeiro gol, obra dos visitantes. Llorente remataba un córner e, após un rexeite de Beauve, era Carriço quen adiantaba o marcador para os hispalenses. Corría o minuto 42.
O Celta saíu dos vestiarios con forza e intentos por buscar o gol. A ocasión máis clara viña das botas de Beauve, que enviou por riba do pau un remate desde a área pequena. A presión do Celta deu os seus froitos no minuto 63 grazas ao propio xogador francés, que após unha asistencia de Wass introduciu o balón na rede. A partir de entón, o Sevilla fechouse na súa área e os vigueses trataron, sen éxito, de ficar cos tres puntos da vitoria.
RC Celta: Sergio, Jonny (Marcelo Díaz, min.61), Cabral, Sergi Gómez, Planas, Radoja (Guidetti, min.61), Wass, Pablo Hernández, Beauvue, Bongonda e Iago Aspas
Sevilla FC: Sergio Rico, Carriço, Ramí, Fazio, Ferreira, Escudero, N´Zonzi, Krohn-Dheli, Reyes (Banega, min.63), Konoplyanka (Vitolo, min.57) e Llorente (Gameiro, min.68)
Goles: 0-1, min.43: Carriço; 1-1, min.64: Beauvue
Árbitro: Velasco Carballo, do comité madrileño. Expulsou con dupla amarela Fazio (min.24) e amoestou Sergi Gómez, Iago Aspas, Bongonda, Konoplyanka, Escudero e Sergio Rico.