O Athletic iniciou o encontro cun claro dominio, mesmo con claras oportunidades de gol. Unha boa presada de disparos a porta marcaron a primeira parte. O Celta, desdebuxado e sen apenas imaxinación, non xerou perigo ningún.
Por volta do descanso, as cousas non semellaban mudar. E contra o minuto 55, Unai Núñez recolleu un rexeitamento despois de que Raúl García batese no poste e adiantou así aos de Bilbo. O partido, cun Celta carente de músculo, parecía non ter marcha atrás.
Mais co gol de Núñez, o Athletic relaxou as defensas. Os galegos fixeron algúns trocos -entraron Piano Sixto e Tucu Hernández- e no último cuarto do encontro viraron as tornas. E no minuto 91, Brais Méndez empatou o partido.
Aínda tivo ocasión o Celta de executar a remontada nos seguintes tres minutos. Hugo Mallo a piques estivo de marcar -evitouno unha gran parada de Kepa- e a Tucu Hernández anuláronlle un gol na derradeira xogada. Era claro fóra de xogo.
Athletic: Kepa; De Marcos, Núñez, Iñigo Martínez, Balenziaga (Lekue, min.77); San José, Iturraspe; Susaeta, Raúl García (Beñat, min. 77), Córdoba (Aduriz, min. 70); e Williams.
Celta: Sergio; Hugo Mallo, Cabral, Sergi Gómez, Jonny; Lobotka, Wass (Tucu Hernández, min. 61), Radoja (Méndez, min. 72); Iago Aspas, Maxi Gómez e Boyé (Sisto, min. 61).
Goles: 1-0: min. 55; Unai Núñez. 1-1: min. 91, Méndez.
Árbitro: Del Cerro Grande (Comité Madrileño). Amoestou Maxi Gómez, Williams, Iñigo Martínez e Núñez.
Incidencias: 33.657 espectadores en San Mamés.