sábado 06.06.2020
14 anos da súa volta

Auxe e caída da selección galega de fútbol

Un ano máis, e van once, non se celebrará a gran festa do fútbol galego. En 2005 reparábase a anomalía histórica de que Galiza fose a única nación do Estado sen selección propia, pero o PP, nada máis chegar á Xunta en 2009, eliminaba unha cita que nunca sentiu como propia. Eis un estrato da peza publicada no número 376 do semanario en papel Sermos Galiza.
Auxe e caída da selección galega de fútbol

Disque Óscar Wilde escribiu que “a lembranza é o diario que todos cargamos con nós”. Mais asinásea ou non o paladín do dandismo, a frase da pé a reflexionar sobre o paso do tempo.

Xa case pasaron 14 anos desde que a selección galega xogara o seu primeiro partido logo de 66 anos de ausencia, e a consulta da crónica do encontro nos xornais daquela época fai preguntarse o porqué da minorización do fútbol galego desde as institucións nesta case década e media que transcorreu.

mini_3_seleccion

Este 2019 os afeccionados seguirán, mais un ano, sen poder cantar os goles da Irmandiña pola inacción da Xunta de Galiza e a Real Federación Galega de Fútbol (RFGF), o que resulta especialmente doloroso tendo en conta que, probabelmente, Galiza conta coa mellor xeración de futbolistas de toda a súa historia.

Desde o ente federativo, dirixido polo ex presidente da Deputación de Pontevedra Rafael Louzán (PP), confirman a Sermos Galiza que un Nadal máis non haberá partido da selección, pero dan por bo “un regreso no ano 2020”.

O “problema” para a RFGF é orzamentario, explican, pois segundo eles o custo dos tres encontros organizados polo bipartito “movíase en cifras entre os 800.000 e o millón de euros”, mentres que o artellado baixo o Goberno de Feixoo en 2016 ante Venezuela foron “300.000”. “Aquelas cifras na actualidade non poden ser asumidas”, din, pese a que o orzamento da Secretaría Xeral para o Deporte chega en 2020 aos 25,3 millóns de euros. 

[Podes ler a reportaxe íntegra no número 376 do semanario en papel Sermos Galiza, á venda na loxa e nos quiosques]   

comentarios