O Tribunal de Arbitraxe Deportivo (TAS) vén de confirmar a exclusión dos atletas olímpicos rusos dos Xogos de Rio de Janeiro 2016. Esta decisión confirma a decisión do pasado mes de xuño da IAAF de impedir á selección a competición en probas internacionais, rexeitando a apelación presentada polo Comité Olímpico Ruso xunto a 68 atletas contra dita sanción.
O TAS mantivo firme a suspensión contra a Federación Rusa de Atletismo, que impuxera a Federación Internacional de Atletismo (IAAF), manténdoa por última vez, no pasado mes de xuño, vetando a competición internacional de todos os deportistas desta federación. Unha decisión que aparta a toda unha expedición, en base aos continuados casos de dopaxe que afectaron á Federación Rusa. Coa apelación, o Comité Olímpico Ruso esperaba unha excepción a 68 atletas sen casos de dopaxe confirmados.
A participación dos demais deportistas rusos en Rio 16' segue pendiente da decisión do COI, após a publicación do Informe McLaren publicado pola Axencia Mundial Antidopaxe, no cal se acusou ao estado ruso de dopaxe de estado, principalmente, durante os xogos de Sochi. O documento elaborado polo avogado canadense Richard Mclaren, quen demostraba 640 positivos en 29 deportes diferentes.
