Ares impúxose na regata contra reloxo de traiñeiras que esta fin de semana tivo lugar en Mera, marcando un tempo de 20:57:56. É o segundo título que Ares, vixente campioa da Liga Galega e que conquistou ascenso á ACT, logra esta pre-tempada. O anterior foi o Memorial Lagar.
Na regata de Mera, a embarcación de Mecos acadou o segundo posto e Vilaxoán foi terceiro, completando o podio. Esta é a última regata desta pre-tempada pois este sábado comeza no Grove a liga Galega de Traiñeiras.
As diferentes regatas da pre-tempada deixaron diferentes vencedores. Meira impúxose na ‘Paco Fenosa’, Cabo de Cruz na ‘Pepe O Riso’ e contra reloxo de Cabo, e Tirán gañou a contra reloxo de Pedras Negras.