martes 28/09/21
Campionato estatal de atletismo

Peleteiro, Adrián Ben, Belén Toimil e Leticia Gil traen ouros para Galiza no estatal de atletismo

Ana Peleteiro, campioa de España e mellor marca ao ar libre. O viveirense Adrián Ben, ouro en 800 metros, Belén Toimil en peso e Leticia Gil en lonxitude. 
Peleteiro é, con moito, a atleta do país con maior relevancia en Twitter e Instagram. (Foto: EP).
Peleteiro (Foto: Europa Press).

Ana Peleteiro volveu voar. Desta volta, en Xetafe, no Campionato estatal de atletismo. A ribeirense protagonizou cinco saltos por riba dos 14 metros, incluído un sexto e último de 14,61 (-0.8), que a sitúan oitava na clasificación mundial do ano.,Foi o quinto título estatal para a galega.

Peleteiro, que ten o récord nacional en 14,73, nunca voara tan lonxe ao ar libre, e o acadado este domingo é un limiar de cara a Tokio. Ela mostrábase ambiciosa: "Sempre o digo. Desde cativa soño con ser medallista olímpica. É máis, soño con ser campioa olímpica, non vou ser hipócrita".

"Sei como está  Yulimar (Rojas, a súa compañeira de adestramentos venezolana, dobre campioa mundial), nun estado de forma incríbel, mais tamén sei que nesta vida nada se regala, todo hai que loitalo até o último momento, e alí estarei eu, loitando até a derradeira bala para dar o mellor de min", dixo.

Medallas

A de Peleteiro non foi a única medalla para Galiza nestes campionatos. O viveirense Adrián Ben conquistou o ouro en 800 metros, Belén Toimil en Peso e Leticia Gil en lonxitude. Menchu Sánchez foi bronce en xavelina, Okutu bronce en lonxitude, 

Peleteiro, Adrián Ben, Belén Toimil e Leticia Gil traen ouros para Galiza no estatal de...
comentarios