O atleta de Viveiro Adrián Ben continúa a facer historia no atletismo galego. Ben clasificouse para a final de 800 metros dos Xogos Olímpicos, quedando cuarto na súa serie e meténdose na carreira pola medalla por tempos.
O atleta galego saíu ao seu ritmo, repetindo a táctica que empregou no Mundial de Doha. O canadense Marco Arop marcaba o paso mentres Ben seguía no final do pelotón. A falta de 250 metros, as hostilidades desatáronse e Ben lanzou o ataque definitivo, buscando os ocos e avanzando cun cambio final até chegar á meta en cuarta posición. A súa marca de 1:44.30 permitiulle entrar na carreira entre os oito mellores.
A final decorrerá na vindeira cuarta feira, o día en que fai 23 anos.
