O primeiro disco de Zumaque, 'Silván', viu a luz a finais do pasado ano, consolidando a orixinal aposta desta formación, actualmente xa cuarteto. Repasamos da man do clarinetista Pablo Pascual, compositor dos temas, as liñas deste traballo de fusión que atopa na improvisación o nexo de tres formas de entender a música, a que bebe do jazz e as que afondan raíces nas tradicións galega e bretoa.