Os poemas do autor dos Eidos (1955) vense sometidos por Uxía a singulares tratamentos reggae, ragtime, alalá ou muiñeira. Un experimentado conxunto de músicos, comandado polo seu habitual guitarrista Sérgio Tannus, acompáñaa: Quim Farinha, Isaac Palacín, Santi Cribeiro, Ana Isabel Dias e José Manuel Díaz.
"Quería que a visión sobre a poesía de Novoneyra fose o máis actual e universal posíbel", explicaba a intérprete antes da estrea en directo do traballo, o pasado setembro no Teatro Colón da Coruña.