Ponte Poética, Festival de Poesía
Pontevedra
Diversos Espazos
10-14.4.2019
Pontevedra acolle unha nova edición do Festival de poesía Ponte Poética do 10 ao 14 de abril. O evento arranca esta sexta feira nas Ruínas de San Domingos co recital dos poetas Antonia Vivens, Ismael Ramos e Jan Wagner. Durante o sábado, o Teatro Principal acollerá toda a actividade de Ponte Poética: un obradoiro da man de Valter Hugo Mae e recitais con Pilar Pallarés e Silvia Penas, entre outras. Xa o domingo, 14 de abril, a Casa da Luz porá o ramo cun obradoiro de narrativa de Manuel Vilas.
De lugares e órganos
Compostela
Diversos espazos
11-20.4.2019
Como cada Semana Santa, “De lugares e órganos” volta para ofrecernos a oportunidade de descubrir o patrimonio instrumental de Compostela, baixo dirección artística de Belén Bermejo. Do 11 ao 20 de abril celébrase a cuarta edición do ciclo “De lugares e órganos” cunha programación que inclúe concertos, visitas guiadas, unha exposición, cinema no NUMAX, conversas e música ao vivo co obxectivo de “reconstruír un imaxinario ao redor das paisaxes organísticas de Santiago”.
Semana do Libro e a Lectura
Carballo
Biblioteca Rego da Balsa
12.4.2019
19.00h
O mago Antón pechará a XIV Semana do Libro e a Lectura con “Maxia para soñar e voar”, un espectáculo de ilusionismo para todas as crianzas.
#GalizaNonEsquece
A Baña
Café-Bar Muíño
12.4.2019
20.00h
Exposición e posterior coloquio sobre #GalizaNonEsquece, unha mostra que se ergue para falarmos de historia e memoria das esquecidas, da resistencia armada ao franquismo e a loita antifascista.
Alimentación consecuente
Ourense
Espazo RaíZes
12.4.2019
20.00h
Conversa co labrego Santi Rodríguez Cid, “Alimentación consecuente, o cambio nas nosas mans”, sobre calidade de vida en Galiza, recursos, modo de consumo e saúde.
Encontro con Carme Adán
San Sadurniño
Casa da Xuventude
12.4.2019
20.00h
Presentación de "Feminicidio. Unha nova orde patriarcal en tempos de submisión", un ensaio de Carme Adán que diserta sobre a violencia que exerce o patriarcado.
Andrea Pousa Trío
Cedeira
Auditorio Municipal
13.4.2019
20.00h
Música ao vivo coa cantante melódica-lírica Andrea Pousa Trío logo de presentar o seu primeiro álbum en solitario, “Respirar”.
Tanxarina
Ribadeo
Auditorio Municipal Hernán Naval
14.4.2019
17.30h
Teatro infantil coa galiña azul que pon ovos de cores, da man de Tanxarina, co texto imprescindíbel na literatura de Carlos Casares.
Carmen Méndez
Redondela
Auditorio Municipal da Xunqueira
14.4.2019
20.00h
“Outras químicas” é o novo espectáculo de Carmen Méndez, un monólogo que ben podería funcionar coma unha confesión e unha terapia... de grupo.
Gozosos Anos 30
Bueu
Diversos espazos
Até 21.4.2019
O espírito da cultura que fixo da vila Bueu un fervedoiro artístico nos anos 30 expandirase durante todo o mes de abril cos Gozosos Anos 30, un evento que inclúe exposicións, coloquios, ofrendas florais e unha festa que lembrará eses anos previos ao golpe de Estado e a personalidades como Maruxa Mallo, Torrente Ballester, Rómulo Gallegos, Johán Carballeira ou José Suárez. Dirixido por Xosé Leal, buscará “recrear o ambiente de esplendor artístico e cultural que se viviu neses anos”.