Máis unha edición de O Marisquiño volve a Vigo. Será os días 8, 9 e 10 de agosto e desta volta congregará a elite do 'skate' mundial pois o tradicional evento será o escenario da World Cup Skateboarding, a competición de skateboarding máis prestixiosa do mundo.
Así é que Vigo será a décimo primeira proba puntuábel do campionato mundial após darse cita en cidades de todo o mundo como Río de Janeiro (Brasil), Tallin (Estonia), Villiers sur Orge (Francia) e Montreal (Canadá).
Mais a programación do Festival Arnette O'Marisquiño non fica aí. Haberá unha boa mostra do deporte e cultura urbanas que se sumarán á programación de concertos baixo o paraugas do OFF Marisquiño, un festival paralelo que acolle como protagonistas a algúns dos DJ's máis (re)coñecidos do Estado español.
Todo isto, nun lugar privilexiado e cun espazo de luxo situado á beira do mar no Porto de Vigo.
