A raíña Isabel II do Reino Unido, finada o pasado 8 de setembro aos 96 anos de idade, xa ten unha réplica propia feita de porcelana da man do grupo galego Sargadelos.
A peza foi presentada este domingo a modo de homenaxe a unha monarca caracterizada, segundo apuntaron desde Sargadelos, caracterizada polo "boato, a intemporalidade e a imperturbabilidade".
Trátase dunha escultura de 13,8 centímetros de longo por 13,5 cm de largo e 20,5 cm de alto na que a raíña aparece representada cunha bágoa na súa meixela dereita "como alegoría dos monarcas duns tempos que xa non volverán, e nos que as realezas eran respectadas e admiradas polos seus súbditos".
"En Sargadelos, nos últimos anos, non valoramos excesivamente as monarquías. Pero no caso desta muller, Isabel II, a súa lonxeva presenza na vida pública converteuna nunha icona da cultura popular", xustificaron desde a compañía.
Esta peculiar peza non tardou en suscitar o debate nas redes sociais. Diferentes usuarios e usuarias lembraron as orixes da actual factoría, impulsada por referentes da cultura galega como Isaac Díaz Pardo e Luís Seoane e lamentaron que os responsábeis actuais teñan "renunciado" aos valores daquel proxecto empresarial.
"Camilo Díaz Baliño [pai de Díaz Pardo], asasinado nunha cuneta. Isaac Díaz Pardo, represaliado. Luís Seoane, exiliado. E Sargadelos facendo apoloxía das monarquías", criticaba unha persoa a través de Twitter.
"Sargadelos monárquico inglés poñéndolle unha bagoíña á raíña defunta por todo o que foron perdendo as monarquías. Se non fose todo tan horrible podía pasar por unha viñeta de humor negro", dicía outra usuaria.
Perdemos a dignidade e abur. Levo dicindo isto toda a tarde, cada vez con máis razón. Sargadelos monárquico inglés poñéndolle unha bagoíña á raíña defunta por todo o que foron perdendo as monarquías. Se non fose todo tan horrible podía pasar por unha viñeta de humor negro. https://t.co/Pt33KVkqBr
— 🛰️Helena Villar Janeir (@villarjaneiro) September 18, 2022
E moitos de nós tivemos que ver este proceso dexenerativo con moita dor xa que tiñamos en Sargadelos un referente da nosa cultura.
— Opeta (@o_petapouco) September 18, 2022![Publicidade 195536]()
Isaac Díaz Valiño asasinado nunha cuneta.
— Manuel Germade (@ManuelGermade) September 18, 2022
Isaac Díaz Pardo, represaliado.
Luis Seoane exiliado.
E #Sargadelos facendo apoloxía das monarquías.
Que vergonha!! pic.twitter.com/Zmxv3ph6NZ
