Os premios de textos teatrais de Agadic fállanse en catro nomes con traxectoria no mundo literal e teatral. Raclette de Santiago Cortegoso fíxose coa vixésima segunda edición do premio Álvaro Cunqueiro mentres Antón Cortizas consegue o VIII Manuel María de literatura dramática infantil con Xogando con gatos. Pola súa parte, Andrea Bayer faise coa súa obra O lobo e a lúa coa XI edición do Barriga Verde de textos para monicreques e Xavier Lama é o triunfador na modalidade de adultos con Ela, piedade dos suicidas.
O xurado composto por Roberto Salgueiro, Xosé Manuel Fernández Castro, Inacio Vilariño, Dani Salgado, Artur Trillo e Dolores Vilavedra, escolleu as obras gañadoras entre as 69 orixinais nas catro modalidades, as máis numerosas as 8 para o Álvaro Cunqueiro e as 17 para o Manuel María.
