mércores 03.06.2020

Santiago Auserón, artista convidado de Cantos na Maré


As súas conexións cos sons africanos e coa música galega a través de Narf e Uxía lévano a pechar o cartel do Festival Internacional da Lusofonía que terá lugar en Pontevedra o 14 de xaneiro. 

Santiago Auserón. Ou Juan Perro.
Santiago Auserón. Ou Juan Perro.

Santiago Auserón é o último artista en incorporarse á nómina de músicos de Cantos na Maré o Festiva Internacional da Lusofonía que terá lugar o 14 de xaneiro no Pazo da Cultura de Pontevedra. Tamén coñecido como Juan Perro, as súas músicas -sobre todo nos últimos anos- tecen moitas conexións coa música africana e lusófona. En palabras de Uxía, Auserón "virá mostrar a súa complicidade e a súa querencia pola lusofonía, a música africana, por Narf, o festival 'Cantos na Maré' e a súa filosofía". 

Santiago Auserón está a presentar o seu último disco, 'El viaje', o seu sétimo álbum como Juan Perro

Agora mesmo Santiago Auserón encóntrase no medio da promoción do seu último disco, ‘El viaje’, o seu sétimo álbum como Juan Perro, gravado co único acompañamento da súa guitarra acústica. No novo repertorio de Juan Perro, a herdanza afro-norteamericana (o blues, o R&B, oo rock, o soul, os estándares jazzísticos) intégrase de manera cada vez máis natural coa tradición afrolatina –principalmente cubana– e coas músicas da Península.

Nunha entrevista na Voz de Galicia hai pouco o zaragozano recoñecía que botaba de menos "ao meu grande amigo e grandísimo artista Narf, do cal moitos estabamos pendentes porque estaba a abrir un camiño alucinante, un rastro de beleza nese punto no que a música galega lidnaba con África. A súa morte foi un pao que aínda non puiden asimilar". 
Precisamente este Cantos na Maré terá un recordo especial para o músico recentemente falecido. Outra das estrelas do festival será o guineano Manecas Costa, que gravara canda Narf o disco ‘Aló Irmão’ en 2009. Os outros protagonistas da cita serán o angolano Paulo Flores, a brasileira Kátya Teixeira, a portuguesa Celina da Piedade e Guadi Galego. 

Santiago Auserón, artista convidado de Cantos na Maré