Riotorto é terra de ferreiros, unha actividade tradicional da que queda pegada no concello e que cada ano homenaxean na Feira da Artesanía do ferro que chega agora xa a súa séptima edición. O domingo día 21, o Concello organiza o popular encontro no que, cada ano, se artella un programa co ferro como protagonista. Demostraciósn de forxa ao viv,o obradoiros de artesanía, de fabricación de carbón vexetal e actividades de animación inclúense nun programa que se inaugurará ás 12:00 cun acto oficial que contará coa participación dos “Gaiteiros de Riotorto” e o coro da localidade. Durante o día, alén da mostra de actividades arredor do ferro, haberá pasarrúas a cargo de “Volta e Dálle” e teatro co espectáculo “O Afiador” da compañía “Os Quinquilláns”.
Concello como grande taller de artesáns
O alcalde de Riotorto, o nacionalista Federico Gutiérrez Estoa, destaca a relevancia desta xornada que ten como obxectivo a dinamización económica, cultural e turística do concello arredor dunha actividade que foi trabe económica na conca do Eo. “A día de hoxe xa son máis de 108 expositores que teñen confirmada a súa asistencia o que contribuirá a facer da nosa localidade unnha grande exposición da actividade económica que se xera no País. A feira é para nós unha xornada lúdica, de dinamización económica e promoción turística” sinala o alcalde que defende as posibilidadedes dun turismo vencellado á artesanía. “Riotorto é, no seu conxunto un grande taller de artesáns, mais sen artificialidade algunha, posto que a actividade dos ferreiros permanece viva desde hai máis de 500 anos” comenta, desta tradición que é aínda presente e pula pola activación económica coa promoción por parte do goberno municipal.