Redondela: un espectáculo pendente dun fío

"As marionetas son a poesía do teatro". A frase é do catalán Jordi Bertrán, considerado un dos mellores marionetistas de fío de todo o mundo e, se seguimos o seu razoamento, do 15 ao 21 de maio Redondela encherase de poesía. A vixésimo cuarta edición do Festival Internacional de Títeres Memorial Juanjo Amoedo regresa ao seu encontro anual co público ofrecendo un repertorio que inclúe algunhas das mellores compañías internacionais de monicreques, entre elas a do propio Bertrán. Un total de 26 compañías, chegadas de Estados Unidos, Brasil, Francia, Italia, Bélxica, Cataluña, Madrid, Murcia ou Andalucía, ademais das galegas Tanxarina, Cachirulo, Trécola, Paporrubio Spaguetti ou o Barriga Verde de Títeres Alakrán configuran un programa que, como é habitual, se desenvolve entre o escenario do Auditorio da Xunqueira e as actuacións de rúa. Até nove localizacións diferentes se habilitarán para dar cabida ás máis de setenta representacións que acollerá esta edición do festival. "A verdade é que este ano conseguimos un programa de sala dunha enorme categoría", declara, sen ocultar o seu orgullo, Luís Crespo, director do festival, en conversa con Nós Diario. Entre estas actuacións de sala están algúns auténticos mestres do títere de fío como Phillip Hubert -que xa estivo no festival hai uns anos- ou Jordi Bertrán, que presentará Antología, un espectáculo que leva representando desde 1987 por todo o mundo. "Tamén hai obras realizadas cunha linguaxe moi fresca e moi persoal, como Vida, da compañía de Javier Aranda", explica Crespo, "e dúas auténticas revelacións: os franceses Bob Théâtre e os andaluces de Ymedioteatro". Os primeiros traerán a Redondela o seu espectáculo Nosferatu, e Ymedioteatro achegan EcO, unha obra na que fusionan teatro de obxectos, mimo e clown, e coa que levan percorridos os mellores festivais europeos. Monicreques na alfombra vermella Teatro de rúa Mais Redondela é un festival eminentemente popular no que as funcións de rúa ocupan un lugar importante. Neste campo, a edición de 2023 conta con varios atractivos "Cústame moito escoller, porque toda a programación foi estudada con moito coidado, pero talvez chamará a atención unha versión moi bonita de El gato con botas que fai a compañía de Castela A Mancha El Retablo de la Ventana", apunta Crespo. "Ou o humor andaluz de Garbancito en la Barriga del buey da compañía La Gotera de Lazotea. Desde logo, ninguén debería perder os mestres titiriteiros de Plansjet, de Bélxica, cos seus enxeñosos instrumentos musicais, ou o mestre portugués Rui Sousa, que xa coñecemos ben na Galiza". Mais Crespo está particularmente contento de recuperar, despois da pandemia, a tradicional ruada, na que se invita á veciñanza a sumarsea un desfile de monstros que percorrerá as rúas da vila por fóra do espazo habitual do festival e que contará coa colaboración da compañía catalá Discípulos de Morales, que achega unha marioneta de máis de cinco metros, Pakonstein, e da banda Os Alecríns, unha formación musical de doce membros fundada en Ponteareas por un grupo de amigos afín á Banda de Música. "E o momento en que a cidadanía pasa de ser espectadora a protagonista, onde o público pasa a tomar un papel activo. Onde, en resumo, actuamos as persoas de Redondela", afirma. "Neste ano faremos unha homenaxe a ese mundo de monstros que vén de Edgar Allan Poe e do cine de terror clásico das décadas de 1930 e 1940". Jorge Rey: "O que está claro é que non se crea público só polo que fan as institucións, coas políticas culturais actuais" Homenaxe a Trécola Onte presentouse ao público a exposición que rende homenaxe á compañía Trécola, formada no da man de Fernanda Cabrera Varela e Rafael Vázquez Núñez, para recuperar a tradición dos títeres e marionetas de fíos para a Galiza. "Son unha compañía moi centrada na creación, experimentación e produción de taller a partir dos seus propios medios, moi volcada cara a autoxestión", di Crespo. Os escaparates de Redondela serán as ventás que se abran aos corenta anos da compañía que, ademais, estará presente no programa do festival, o día 17, co seu espectáculo Tolitates. Será unha máis das compañías galegas que actuarán no Festival de Títeres. Xente Titiriteira, a asociación que o organiza desde hai xa 24 anos, ten entre os seus obxectivos seguir apoiando e promocionando o traballo que desenvolven as persoas que seguen a cultivar esta arte e que cada vez ten máis seguidores grazas, entre outras cousas, ao Festival de Redondela. Tanxarina cumpre corenta anos facendo teatro de monicreques na Galiza Creando o público do futuro Acreación de novos públicos é un compromiso desta asociación dende os seus inicios. Nesta edición, a organización xa confirmou máis de 1300 nenos/as que poderán desfrutar do Teatro de Títeres, coa participación de varis centros da localidade. Ademais, dedica un espazo que abre as portas a diversas compañías que non queren perder a oportunidade de vir a Redondela para mostrar o seu traballo: Títeres pola Gorra. Premio de Honra da MIT de Ribadavia para "Tatán"