O Resurrection Fest 2017, que terá lugar entre o 5 e 8 de xullo en Viveiro, trae un cartaz de infarto e do que esta quinta feira deu a coñecer o nome de 60 grupos. Desde os alemáns Rammstein até os punks Rancind, pasando polos veteranos do hardcore Suicidal Tendencies, o celtic-punk de Dropkick Murphys ou a bestialidade dos Napalm Death.
Mais a listaxe é completa: os históricos do harcore crossover Agnostic Front, o hard rock australiano de Airbourne, o metal progresivo de Animal as leaders, Terror, Comebak Kid, Archenemy... e moitos máis.
As redes sociais ferveron esta quinta feira a medida que desde 'O Resu' se ía darndo a coñecer algunhas das bandas que estarán en Viveiro o vindeiro mes de xullo. Foi trending topic en varios momentos.
O Resurrection é un festival de referencia a nivel internacional. Ano tras ano reúne na Mariña miles de persoas para gozar das aristas máis afiadas do rock, desde todas as variedades do metal até o punk e o hardcore.