“Trae o teu lapis para debuxar pola liberdade, a tolerancia e a paz”, lese no cartaz con grande titular de “Nós somos Charlie” co que a Agrupación Cultural Alexandre Bóveda convoca unha quedada popular o vindeiro domingo 11 de xaneiro ás 12.30 horas para debuxar na Praza do Humor en homenaxe ás vítimas do Charlie Hebdo.
Despois de destacar a coincidencia do atentado co aniversario da morte de Castelao e lembrar a barbarie que debuxara no álbum Galiza Mártir, a Alexandre Bóveda defende que “avanzar no coñecemento, no ensino, na cultura, no respecto e nas liberdades é a mellor maneira d honrar ás persoas do Charlie Hebdo, que heroicamente mantiveron a bandeira da liberdade de expresión até as últimas consecuencias”. Co acto convocado para o vindeiro domingo, o debuxo colectivo na Praza do Humor, queren reivindicar homenaxear ás vítimas do Charlie Hebdo e reivindicar na Coruña “a súa memoria e a liberdade de expresión”.