Mulleres con voz
Pontevedra
Teatro Principal
8.3.2019
21.00h
“Trala marcha, iremos ao Teatro” convoca este acto reivindicativo e sen ánimo de lucro as voces de poetas, escritoras e creadoras como Tamara Andrés, Baia Fernández, Carmen Quinteiro ou Adela Martínez, entre outras.
Anatomía dunha serea
Vigo
Auditorio Municipal
8.3.2019
22.00h
Iria Pinheiro, Chévere, propón en “Anatomía dunha serea” unha peza de teatro documental sobre a memoria e a experiencia persoal da actriz como muller, nai e vítima da violencia obstétrica.
Mulleres sen cancelas
A Coruña
Obelisco
9.3.2019
12.00h
Desde o Obelisco a María Pita, a Agrupación Cultural Alexandre Bóveda propón con “Mulleres sen cancelas” un roteiro para coñecer a historia que agochan as rúas coruñesas sobre aquelas mulleres singulares que abriron camiños. Así, para este sábado 9 de marzo, serán as mulleres singulares do presente como Margarita Ledo, Carme Adán, Najla Shami, Mabel Rivera, Susana Seivane ou Luz Pozo Garza, entre outras, as que lembren as pegadas do pasado.
Festival "Mulleres que Transforman Realidades"
A Coruña
Praza de María Pita
9.3.2019
20.30h
Coas actuacións de Brassica Rapa, Mounqup, Xiomara Fortuna, Marinah (Ojos de Brujo) e Pussy Riot. O Festival contará cun Punto Violeta (espazo de sensibilización, prevención e asesoramento ante as violencias machistas).
Son galego, son cubano
Vilagarcía de Arousa
Auditorio Municipal
9.3.2019
21.00h
Considerado o maior espectáculo musical entre Galiza e Cuba, Roi Casal conta e canta dun modo moderno e actual a histórica relación que tanto une os dous países.
Enredadas
Compostela
Auditorio de Galiza
9.3.2019
20.30-22.30h
Carmen París, Martirio, Ugia Pedreira e Uxía estarán acompañadas por Sérgio Tannus e Marcos Teira nun espectáculo imperdíbel ao ritmo de coplas e alalás.
En concerto
A Coruña
BâBâ Bar
9.3.2019
22.00h
César Morán en concerto con Berto e Pablo Morán nas percusións, guitarras, baixo, ukelele... Un espectáculo con temas dos dous últimos discos, adiantos do material inédito e mais sorpresas no escenario!
Tecido Resistente
Outeiro de Rei
Casa-museo Manuel María
9.3.2019
20-21.30h
A Casa-Museo Manuel María acolle a proxección e coloquio de “Tecido Resistente”, o documentario co que Marina Chiavegatto gañou, en 2018, o I Premio Luísa Villalta de Proxectos Culturais pola Igualdade convocado pola Deputación da Coruña. A peza recupera a historia de centos de mulleres que protagonizaron “unha silenciosa revolución” en Présaras (Vilasantar) nos primeiros anos do século XX. Será este sábado 9 de marzo, de 20 horas a 21.30 horas.
Markeliñe
Pontevedra
Teatro Principal
10.3.2019
12.00h/ 18.30h
Euria (chuvia) é un espectáculo de danza infantil que chega a Galiza da man da compañía vasca Markeliñe e que nos fala do que nos pasa cando algo ou alguén que queremos xa non está.
Exposición de testemuñas audiovisuais
A Coruña
Biblioteca Municipal Ágora
Até 23.4.2019
Vén de inaugurarse a mostra “A saia da raíña. Mulleres galegas enloitadas no século XXI”, unha exposición que xunta fotografía e audiovisual recollidos pola artista Rita Más nas aldeas e cidades galegas. Son as mulleres as propias protagonistas que falan e dan voz ás desigualdades, ás vidas e ás familias en relación ao loito. A exposición estará dispoñíbel na Biblioteca Municipal Ágora, da Coruña, até o 23 de abril.