Carpe Diem
Compostela
Teatro Principal
Sexta feira
20.30h
Producións Teatrais Excéntricas presenta 'Carpe Diem', con texto de Rubem Fonseca e dirixida por Quico Cadaval, unha peza coa que a compañía celebra o seu 15 aniversario.
Aldaolado
Arteixo
Auditorio do Centro Cívico Cultural
Sexta feira
20.45h
Cría fama e bótate a correr. Poesía, humor mais música son os ingredientes principais deste xa clásico dúo que configuran Lucía Aldao e María Lado.
Unha rosa entre as pernas
Vigo
Auditorio Municipal
Sexta feira
21.00h e 00.00h
Con texto de Alfonso Becerra de Becerreá, esta peza teatral xunta os actores Xosé Luis Bernal "Farruco" e Roberto Leal nunha situación cotiá dentro dun cuarto de baño.
Malas Linguas (III)
Compostela
Centro Sociocultural do Ensanche
Sexta feira
Malas Linguas: Activando falantes no s. XXI é o título deste programa da área de Normalización Lingüística da Deputación da Coruña. O obxectivo? Reflexionar, debater e dar pasos adiante no proceso de normalización do galego. A súa terceira xornada, centrada na transmisión non familiar da lingua, decorre o 1 de marzo, no Centro Sociocultural do Ensanche, en Compostela.
III Lupercais
Ramil (Agolada)
Fundación Eira da Xoana
Sábado
14.00h
A Fundación Eira da Xoana e a AC. O Galo festexan cun xantar convivio este ano as III Lupercais na sede da Fundación en Ramil para elixir a raíña Lupa de 2019.
Autocoñecemento e relaxación
San Sadurniño
Casa da Cultura
Sábado
17-19.00h
Ana Freire impartirá un obradoiro para aprender a coñecer o corpo humano e as técnicas de relaxación que nos axudarán a manter o equilibrio e a sentirnos mellor.
XVI Festival Taiña
Goián (Tomiño)
Praza de Goián
Sábado
O festival chega a unha nova edición cun cartaz composto por grupos como Flow do Toxo, Tecor Societário, O puto coro do exército froilanista e Sapoconcho sem poncho.
39ª Feira do Grelo
As Pontes
Sábado e domingo
A festa arranca cun cartel no que se inclúen pratos fortes como as actuacións da Banda da Loba, o acordeonista pontés Andrés Penabad e Xabier Díaz & Adufeiras de Salitre, entre outras.
Filocafé
Compostela
Cantina do CGAC
Domingo
18.30h
Estas conversas públicas cun enfoque filosófico que teñen lugar o primeiro domingo de cada mes traen desta volta a Gena Baamonde, creadora e directora escénica.
As Santas Migrantas
UTAD. Trás-os-Montes
Portugal
Até 15 de marzo
Vén de inaugurarse As Santas Migrantas, da artista Luz Darriba, unha instalación de 400 pezas con fotos de mulleres migrantes e mais corenta textos con historias recollidas de mulleres do mundo. Este traballo en proceso de Darriba, comisariado por Luzía Oca González, que agora acolle a sala de Exposicións da UTAD Trás-os-Montes, en Portugal, poderá visitarse até 15 de marzo.
