Medea. Salvaxe?
O Barco de Valdeorras
Teatro Municipal Lauro Olmo
Sexta feira
21.00h
Palimoco Teatro presenta a adaptación de Crhista Wolf, a historia dunha sacerdotisa grega que tras sentirse traizoada polo seu marido, e polo seu pobo, mata os seus fillos por vinganza.
Descubre unha orquestra para ti, a túa!
Compostela
Auditorio de Galiza
Sábado
12.00h
Coro de Mulleres e Real Filharmonía de Galiza, baixo a dirección de Paul Daniel. Concerto solidario con Down Compostela.
Celebración da Festa do Banquete de Conxo
Conxo
CSC de Conxo
Sábado e domingo
Mercado do Libro e da Artesanía, visita guiada ao bosque do Banquete, con Henrique Alvarellos, encontros, concertos, recreacións teatrais, xantar e romaría popular.
VIII Ponte Poética
Pontevedra
Diversos espazos
Sexta feira, sábado e domingo
A cidade do Lérez convértese, entre os días 20, 21 e 22 de abril, na capital internacional da poesía, coa presenza da portuguesa Filipa Leal, a catalá Dolors Miquel, a vasca de Iparralde Itxaro Borda, a francesa Aurelia Lassaque, o irlandés Keith Payne, as galegas e galegos Míriam Ferradáns, Elías Portela, Manuel Rivas e María Xosé Queizán e o poeta en lingua castelá Juan Carlos Mestre. Un programa que condensa encontros, recitais, videopoesías, espectáculos e obradoiros poéticos.
As maimiñas. Volta, revolta e reviravolta
Ribadeo
Auditorio Municipal Hernán Naval
Domingo
17.30h
Música infantil con As Maimiñas, Lucía Lago Fernández e Irene Álvarez Lago, ou o que é o mesmo, Mai e Miña.
Xornadas da Memoria. Rexas, mulleres baixo o terror franquista
Bueu
Praza de Abastos
Até o 30 de abril
A Asociación de Amigos de Johán Carballeira de Bueu, xunto ao Concello de Bueu e a Deputación de Pontevedra botan a andar unhas xornadas da memoria con motivo do cabodano do asasinato de Johán Carballeira, alcalde de Bueu antes do golpe do ‘36, poeta e xornalista. O programa inclúe a exposición Rexas. Mulleres baixo o terror franquista, comisariada por Montse Fajardo, na que se recollen case 80 fotografías que resgatan as historias de 172 mulleres pontevedresas represaliadas.
Voantes
Carballo
Pazo da Cultura
Até o 6 de maio
"Voantes" é o novo traballo de Laura Tova, ilustradora carballesa que se introduce na cerámica, un novo mundo de soportes e texturas.
