asoar.- (Ademais de significados xa rexistrados) Arrincar de raíz unha planta.
Exemplo.- "Tiraba dela para arriba, asoábaa."
Lugar de escoita.- San Martiño (Vilaboa do Morrazo).
Fonte.- Sé Anxo Rosales González.
birlo.- (Ademais de significados xa rexistrados) Gromo, abrocho, rebento.
Lugar de escoita.- Concello de Cambre (A Coruña).
Fonte.- Víctor Torreiro García.
bruma.- (Ademais de significados xa rexistrados) Brote, gromo, rebento.
Exemplo.- "Está a botar unhas brumas no orillo das follas."
Lugar de escoita.- San Martiño (Vilaboa do Morrazo).
Fonte.- Sé Anxo Rosales González.
cimo.- (Ademais de significados xa rexistrados) Anaco de vimbio para atar as viñas.
Exemplo.- “Hoxe espodei as vimbias en verghas e cimos e tirei os rastoballos.”
Lugar de escoita.- Arbo.
Fonte.- Pedro Salgueiro Sexto.
coroucho.- Espiga de millo malograda.
Lugar de escoita.- Cerceda.
Fonte.- Belarmino Bello Villaverde/ CPI O Cruce de Cerceda..
granar.- Ter moita colleita calquera tipo de planta ou árbore.
Exemplo.- "Este ano o pan está moi granado."
Lugar de escoita.- Navia de Suarna.
Fonte.- Toño Núñez.