BNG por unha banda e PSdeG pola outra presentaron onte sendas baterías de medidas para promover a reactivación do sector cultural, contando sempre coa participación do mesmo.
En concreto, os nacionalistas proporán desenvolver un paquete específico para paliar os efectos da Covid-19, reducir o IVA cultural de 10% a 4% ou o impulso a unha lei de dereitos culturais consensuada con todos os axentes.
A súa deputada Mercedes Queixas advertiu que os efectos da pandemia sobre a cultura e a creación poden ser "letais".
En tanto, o PSdeG demandará a Xunta antes de fin de ano a redacción dun plan plurianual de reactivación na que se incrementen os fondos, a posta en marcha dunha campaña que anime á cidadanía a desfrutar da cultura ou unha mesa permanente de diálogo con todos os actores culturais.
Marina Ortega, deputada socialista, instou ao PP a "sumarse a estas demandas".
Ambas as formacións políticas apostas, como pediu o Consello da Cultura Galega, por incrementar os orzamentos destinados a Cultura en 1%. Ortega lamentou que a política da Xunta se resumise a un "intento" de reprogramación de eventos.
![Fillas de Cassandra na gala aRi[t]mar 2023.](/asset/zoomcrop,480,270,center,center/media/nosdiario/images/2024/03/27/2024032717434116054.jpg)