A incorporación de Chus Martínez ao Museo do Barrio realizarase nos próximos meses, despois de que poñer o ramo ao seu traballo como directora-xefa na Documenta de Kassel. O cargo que asumirá agora no centro neoiorquino é o mesmo que Martínez desempeñou no Museu d´Art Contemporani de Barcelona, centro no que traballou ate se incorporar á mostra de Kassel.
Cunha xa longa e prestixiosa tarefa que fan de Chus Martínez un dos nomes máis respetados na xestión de arte a nivel internacional, a súa carreira despegou ao se facer cargo da Sala Rekalde de Bilbao, antes de gañar un concurso internacional que a convertiría no 2005 en directora do Frankfurter Kunstverein. Con anterioridade xa desenvolvera o papel de comisaria no Espai Montcada da Fundación La Caixa en Barcelona.
A relación coa xestión artística na Galiza tivo especial relevo como asesora en diversos proxectos do Centro Galego de Arte Contemporánea (CGAC) baixo a dirección de Manuel Olveira.
O Museo do Barrio no Harlem foi fundado en 1969 e ten no seu obxectivo a difusión e promoción da arte do Caribe, en especial a de Portorrico. Na comunicación institucional do centro lembran que Martínez foi “recentemetne nominada no posto corenat e cinco da lista dos 100 personaxes máis influíntes do mundo da arte que publica Art Review e antes, en 2010, cando a Revista Flash Art, incluiuna na súa lista dos 101 comisarios máis influíntes do mundo”.
