Revenidas. 18 a 20 de agosto. Vilaxoán de Arousa.
Un cartaz de luxo para o que é un dos festivais do verán (e do ano) en Galiza. Esne Beltaz, Dakidarría, La Pegatina, Riot Propaganda, Terbutalina, Bohemian Betyars, DE Vacas...
Festival Irmandiño. 18 a 20 de agosto. Moeche
Tres noites de festa nun dos máis veteranos festivais galegos. E importantes bandas como Xabier Díaz e as Adufeiras ou Luar na Lubre, entre outras.
Rock in Cambre. 18 a 20 de agosto. Cambre.
Unha aposta pola contundencia: Nao, Diplomáticos, Agoraphobia, Ruxe-Ruxe, el Drogas e Konflikto, entre outros.
Noite Folk. 18 e 19 de agosto. Negreira
Máis sons tradicionais con Uxía, Treixadura, Tiruleque e Lulavai. En dúas localizacións fermosas: Pontemaceira e o Refuxio de Covas.
V de Valarés. 18 e 19 de agosto. Ponteceso
Este festival aposta polo indie estatal, con bandas como Love of Lesbian, Los Planetas ou La Habitación Roja. Do país, Terbutalina e Os Amigos dos Músicos.
Jazz da Ría. Ferrol / Mugardos. 19 e 20 de agosto
Programa compartido entre Ferrol e Mugardos con formacións de jazz galegas, desde Sumrrá a Ejazz, Alberto Vilas Quartet ou Pablo Seoane e J.M. Díaz.
Festa folk na fin do camiño. 19 de agosto. Fisterra
Xornada de festa ‘folqui’ en Fisterra con Budiño, Mercedes Peón, Os d’Abaixo e a Compañía do Ruído, entre outros.
Noite para Angus. 20 de agosto. Compostela
Noite de folk galego-escocés con Shooglenifty, Banda das Crechas e Tanxugueiras. Dedicada a Angus R. Grant, líder falecido dos escoceses.