Da avaricia, a luxuria e a morte
Narón
Pazo da Cultura
Sexta feira
20.30h
Teatro do Noroeste estrea "Da avaricia, a luxuria e a morte", un espectáculo de grande formato con oito intérpretes, cinco actores e tres músicos, creado cos textos de Valle-Inclán “Ligazón”, “A Rosa de Papel” e “A Cabeza do Bautista”
Festival Voces de Muller
Lugo
Praza Cei Nodus, Parque de Bombeiros
Sexta feira e sábado
17.00h
Barbarian Prophecies, Raiceira, West Side Bones, Verónica Cambón, Chigliak, Rut León e David Taboada serán algunhas das encargadas de dar voz a este encontro.
VII As Penizas Folk
Guillarei
Monte das Penizas
Sexta feira e sábado
Este festival solidario contará cos concertos de Xulio Lorenzo e Pelepau (sexta feira), e Treboeiros da Muimenta, Os Carunchos e Uxía (sábado), entre outros.
VII FestiVal das Brétemas
Ponteareas
Feira Vella
Sexta feira e sábado
Baixo o Bre-Tema “Somos do Monte”, este festival multidisciplinar combina sesión vermú, presentacións literarias e serán con música ao vivo de Zenzar, Tamborililás, Pandereteiras de Gargamala e moito máis.
As Irmandades da Fala en Compostela
Compostela
Praza de Mazarelos
Sábado
12.00h
A AC. O Galo organiza un roteiro, guiado pola profesora Mercedes Espiño, para coñecer lugares chave deste movemento fundamental para a historia e a cultura galegas.
XIX Romaría Galega
Tordoia
A Pontraga
Sábado
Unha festa popular na que non faltará sesión vermú, bandas de gaitas e grupos infantís, xantar popular, xogos, baile e música con Do Fondo do Peto, Cuadrilla do pan quente, Os Trovadores e As Lavercas.
Unha cultura con superpoderes
Compostela
Praza de Cervantes
Sábado
A praza de Cervantes arroupa a II edición do Festival Rosalía para encher a cidade de concertos, danza, libros e obradoiros ao longo do sábado 29 de setembro. Organizado pola Deputación da Coruña e mais o Concello de Santiago, o festival contará cunha feira de produtos “con marca Rosalía”. A música poñerana Os Quinquilláns co seu Pasarrúas Rosaliano; Son Trío cunha reinterpretación de Follas Novas e jazz; o folk de Val das Mouras; e coa Rosalía Pequeniña de Uxía para as crianzas.
XI Limpeza Simultánea de Ríos
Un ano máis a sumar forzas nunha nova edición das limpezas simultáneas de ríos, organizada por ADEGA. Unha xornada de retirada de lixo dos cursos fluviais, ríos e ribeiras, polo voluntariado participante. A data na que se realizará a actividade será o domingo 30 de setembro e para participar podes unirte a algún grupo organizado perto do teu concello ou ben promover a limpeza nun río como coordinadora. Contacta con ADEGA.
