Miguel de Lira: "O humor é algo que vai pegado á vida, depende moito do momento vital no que esteas"

Miguel de Lira (Lira, Carnota, 1964) será recoñecido co Premio RiR Contigo, outorgado polo Festival Internacional de Curtametraxes de Comedia RiR de Allariz para pór en valor traxectorias profesionais vinculadas ao humor no país. O festival terá lugar entre o 1 e o 7 de setembro e o acto de entrega farase o último día, xunto cos premios outorgados ás pezas que serán proxectadas na selección oficial.