Alberte Momán e Xurxo Alonso tamén foron distinguidos

Martiño Maseda gaña o premio de poesía Leiras Pulpeiro

Con Mapa de xeografía emocional, Martiño Maseda (Vilalba, 1970) acaba de se facer co premio de poesía Leiras Pulpeiro. 1.500 euros, placa e diploma conforman un galardón que convoca o Concello de Mondoñedo coa colaboración da Deputación de Lugo.
 

xurado leiras pulpeiro
photo_camera De esquerda a dereita, José María Felpeto, Armando Requeixo e Aurea Ramil, xurado da sétima edición do premio de poesía Leiras Pulpeiro. Foto: @armandorequeixo

O Leiras Pulpeiro, que atinxiu a súa sétima edición, outorga ademais outras dúas distincións. O segundo premio levouno Alberte Momán (Ferrol, 1976) por 1(41)1 -dotado con 600 euros-, e o terceiro, Xurxo Alonso (Bos Aires, 1956) por Documentos do escribinte -300 euros.

O xurado do Leiras Pulpeiro formárono Armando Requeixo, Aurea Ramil e José María Felpeto. O Concello de Mondoñedo anunciou que, en 2019, publicará un libro cos poemas dos gañadores e gañadoras das sete edición do certame.

Comentarios