Como poderías definir os “Castros Mineiros” como o de Santa María de Cervantes?
Poderiamos describir os Castros Mineiros como recintos con morfoloxía castrexa cuxas obras de delimitación foron realizadas con novas técnicas distintas das tradicionais e que están estreitamente relacionadas coas explotacións auríferas.
Trátase dun grupo relacionado dun modo máis ou menos directo coa minaría. A distribución xeral destes asentamentos asóciase ás explotacións auríferas e constrúense no momento no que se poñen en marcha as explotacións auríferas romanas
A planificación na construción deste castro parece evidente, pondo como exemplo, as estruturas de drenaxe. Estariamos a falar, entón, dunha posíbel colaboración entre indíxenas e romanos no momento da construción?
Este modelo territorial encaixa coa existencia de documentos que reflicten a precoz organización dirixida por estratexias plenamente romanas, como se pode deducir do Edicto do Bierzo do ano 15 a. C ou a Tabula Lougeiorum, do ano 1 d. C. e uns anos despois, a táboa de hospitalidade do Caurel (28 d. C.). En todos eles rastréxanse os cambios destinados a asegurar o control de Roma sobre os recursos e poboacións conquistados.
Podería falarse dun pacto “voluntario” entre romanos e comunidades indíxenas en relación á organización das explotación auríferas ou podería tratarse dun sometemento que implicou movementos de poboación?
As comunidades indíxenas foron obrigadas a implicarse na explotación intensiva dos xacementos auríferos e doutros recursos da zona.
Un bo exemplo da recolocación das comunidades castrexas en relación co laboreo mineiro intenso é o caso do Castro de Santa María de Cervantes.
Neste castro tamén as cronoloxías ofrecidas polos resultados das datacións 14 C que parten da metade do século I a. C reflicten unha ocupación temperá
Subscríbete
As subscritoras e subscritores recibirán as entregas do coleccionábel, de terzas a sextas feiras, cada día con Nós Diario, ben en papel ben para a lectura na nube, en función da modalidade elixida. Se non es asinante, podes sumarte en nosdiario.gal, ou ben podes reservar o diario en papel nos quioscos.