O Manuel Gutiérrez Trío, liderado polo pianista, abrirá a cita a sexta feira 16 de agosto no Cantón de Mugardos. Continuará ao día seguinte, 17 de agosto, coa guitarra manouche -o jazz xitano que popularizou no seu día Django Reinhardt- do David Reguero Trío. Será no Campo do Río no Seixo. Á noite do sábado, jazz latino: o Carlos Sarduy Afrocuban Jazz.
O domingo 18, na Praza Vella de Ferrol, o Xacobe Martínez Antelo trío “avhegará unha proposta de jazz galego de primeira liña, en liberdade e sen complexos”. E á noite, o peche da terceira edición do Jazz de Ría correrá a cargo doutro grupo da Galiza: o Marcos Teira Quinteto Nós, “mestizo e persoal, cunha suxestiva paisaxe sonora en directo”.
A organización do festival -os concellos de Ferrol e Mugardos- salientan “unha programación de calidade que se integra co máximo respecto en escenarios situados en entornos patrimoniais de gran beleza”. A maiores, sinala que en apenas dúas edicións “ampliou notabelmente o seu público”.
