Se queres saber como se fomenta de verdade a lectura tes unha cita esta sexta feira en Vigo, a partir das 20 horas, na libraría Cartabón. Ese vai ser o cenario da apresentación dun A Fondo sobre o hábito de ler, un acto no que estarán presente o coordenador do caderno, o escritor Francisco Campos, ben como Antonio García Teixeiro, especialista en literatura infantil e tamén escritor, e Jacobo Fernández Serrano, autor e debuxante de libros para crianzas.
A palestra-coloquio terá como moderador e apresentador a Xabier P. Igrexas, secretario do consello de administración de Sermos Galiza.
