Inma López Silva recolle o premio Fernández del Riego

Inma López Silva recibe o premio de xornalismo Fernández del Riego polo artigo “Terra rota”.
Inma López Silva recolle o premio
photo_camera Inma López Silva recolle o premio

A terza feira 17 de decembro entregouse no Café Moderno de Pontevedra o premio Afundación de Xornalismo Fernández del Riego. Recibiuno nesta XVI edición Inma López Silva polo artigo “Terra rota”, publicado en La Voz de Galicia 10 de abril de 2018. O galardón, ao que se presentaron un total de 20 artigos, está dotado con 6.000 euros, cuota que aumentará até os 10.000 na vindeira edición.

Na entrega do premio, Silva defendeu o xornalismo libre e crítico, así como a lingua e a cultura galegas, recordando a figura de Fernández del Riego: “se non fose por xente coma el, non existiría a narrativa galega contemporánea nin o teatro galego, ao que me dedico”. Engadiu a galardoada que “sen xornalismo, sen escritura, sen a creación literaria, non sempre temos o detemento para pensar como queremos organizar a convivencia. Iso é imposíbel sen aquelas persoas que erguen a voz. Ese é o verdadeiro xornalismo”.

Silva (Santiago, 1978) é escritora e crítica teatral. Actualmente combina a actividade literaria coa docencia na Escola Superior de Arte Dramática da Galiza, desde onde tamén desenvolve unha intensa actividade crítica. O seu nome súmase á nómina de premiados, entre os que se atopan Santiago Lamas, Xosé Carlos Caneiro, Manuel Darriba, Tamara Montero, María Varela ou Santiago Jaureguízar

Comentarios