Remata xa o 2017, un ano que foi moi bo para o rock que nos deixou grandes traballos discográficos e uns espectaculares directos. Cando aínda estamos a desfrutar do recen saído directo de Ghost, botamos a vista atrás e podemos enumerar xoias, unha detrás de outra. Dende o espectacular Will to Power de Arch Enemy, até o Gods of Violence de Kreator. Dende o Sistema Antisocial de Soziedad Alkoholika, até o #Tremending_Distopic de Def Con Dos, pasando polo Marxinación de Raiba. Pechamos os ollos e aínda podemos sentir o lume de Rammstein en Viveiro, a potencia de Slayer na Coruña, o power metal de Firewind en Vigo ou o memorábel concerto de Helloween con Hansen e Kiske de novo na formación. Mais o tempo non se detén e a música tampouco, polo que xa temos confirmacións de bandas que poderemos ver este 2018, e que mellor xeito de rematar o ano que facendo unha seleción deses concertos imprescindíbeis que teremos no 2018.
1.- Kiss. Con máis de 100 millóns de discos na súa dilatada carreira, e unha de esas bandas que non precisan presentación e que tes que velas alomenos unha vez na vida. Protementen un concerto repleto de temas clásicos que xa forman parte do patrimonio musical de varias xeracións. A histórica banda estará tocando no Resurrection Fest , en Viveiro o sábado 14 de xullo, do que prometeron terán unha sorpresa única da que non se poderá disfrutar no resto de concertos da xira.
2.- Metallica. O máis importante membro dos Big Four volven a facer un tour europeo que deixará 4 datas na península. Malia que para min Metallica hai tempo que deixou de facer trash metal, os seus concertos non deixan indiferentes a ninguén. O 1 de febreiro en Lisboa, o 3 e o 5 de febreiro en Madrid e o 7 de febreiro en Barcelona son as elixidas para as súas descargas.
3.- Ozzy Osbourne. O Príncipe das Tebras, estará ouleando á lúa. de novo no 2018 e desta vez vólveo facer acompañado de Zakk Wylde á guitarra. Cun repertorio no que repasara os seu éxitos tanto con Black Sabbath, como en solitario, teremos a oportunidade de velo o día 30 de xuño no Download Festival¸ en Madrid, o 2 de xullo en Lisboa e o 5 de xullo no Rock Fest de Barcelona. Como extra Judas Priest está a xirar con Ozzy pserán os seus teloneiros no concerto de Lisboa e comparten data en Madrid e Barceloan. O que é unha boa oportunidade de ver a dous grandes do metal xuntos.
4.- Prophets of Rage. A banda formada por membros de Rage Against de Machine, Public Enemy e Cypres Hill, estarán o día 14 de xullo en Viveiro, descargando temas das súas respespectivas bandas, así como do seu novo disco, que verá a luz en breve. O ano pasado estiveron espectaculares no Hellfest, e seguro que no Resurrection non será menos.
5.- Ghost. Non vou negar que para min este é o concerto máis agardado do 2018. Ghost é sen dúbida unha das bandas que máis sucesos colleitou dende o seu nacemento. A semana pasada viu a luz o seu traballo en directo, Ceremony and Devotion, que nos pode dar unha idea do ritual do que nos fará participar o Papa Emeritus Zero e os seus Nameless Ghouls. A data elixida é o xoves 12 de xullo e o lugar o Resurrection Fest, en Viveiro. O concerto será exclusivo para toda a península, polo que a oportunidade é única.
Ao longo do ano iranse anunciando seguramente novas bandas que seguramente poderán ser engadidas a esta listaxe. Outras como Iron Maiden, Pearl Jam ou Guns ‘n’ Roses, xa confirmaron datas. Dende logo este ano temos moito e bo onde elixir.