O novo suplemento semanal Sermos Galiza chega aos quiosques este sábado co Nós Diario. Xuntos suman 64 páxinas de xornalismo en galego para as galegas, 32 do xornal e 32 dun suplemento que sairá á rúa todos os sábados desde hoxe.
De maneira excepcional, por tratarse da primeira entrega, hoxe o xornal vale 1,5 euros como o resto dos días da semana. A partir do sábado que vén, o prezo do Nós Diario e mais do suplemento Sermos Galiza será de 3 euros en total.
O Sermos dedica a súa portada a unha amplia reportaxe sobre o parque do Pasatempo de Betanzos e inclúe unha entrevista coa artesá Elena Ferro, entre outros moitos contidos para desfrutar durante toda a semana.
Os subscriptores do Nós Diario poden acceder a todos os contidos deste suplemento tamén desde a hemeroteca.
