Sempre é unha ledicia ter nas mans un novo disco de Forraje, mais neste caso a sensación é agridoce. A banda da Pobra do Caramiñal anuncia o seu adeus definitivo con este impecábel CD+DVD gravado en directo na Sala Caracol de Madrid o pasado 1 de novembro. Catro discos de estudo e este derradeiro disco antóllase demasiado pouco para 15 anos de carreira percorrendo estradas a golpe de rock. Eles mesmo recoñecen que lles gustaría dicir que é un punto e seguido, máis o único claro que teñen é que, rematada esta xira, a banda desfarase.
O disco reflicte perfectamente o espírito da banda. Son 17 temas de rock urbano nos que conta coa colaboración de Daniel Marco (ex Despistaos) en “Vendaval de Suspiros”; Vito Íñiguez (Sínkope) na versión de “Colgado de ti” dos míticos "Alarma"!!!; Fernando Madina (Reincidentes) en “Buscando el cielo”, e por suposto, quen non podía faltar nesta festa de despedida da banda, cantando “Dueña de mis resacas”, é Kutxi Romero (Marea), xa que foi en boa parte culpábel de que Maldito Records editara o seu primeiro disco “Estoy que muerdo” en 2003.
Se “Forraje” foi o seu primeiro single, “Forraje” é o disco que pecha o disco é o single elixido para por punto e final á carreira da banda. Agardemos que co tempo este punto e final troque nun punto e seguido. Namentres aínda queda unha oportunidade de os ver na súa xira de despedida, na que a primeira data confirmada na Galiza é o 20 de marzo na “Pousada das Ánimas” en Boiro. Namentres, saúde, Forraje e duchas xeadas.
Videoclip: Forraje –
Listaxe de temas
1. Intro
2. A Horcajadas
3. Las Torres De Tus Lamentos
4. Robar Tus Caricias
5. Vivo
6. De Todas, De Ti
7. Arrebato
8. Alarido
9. Cuanta Gotera
10. Vendaval De Suspiros Feat Daniel Marco
11. La Quiero A Morir
12. Me Bebo Los Vientos
13. Colgado De Ti
14. Tú Sin Braguitas y Yo Sin Calzones
15. Dueña De Mis Resacas
16. Buscando El Cielo
17. Puñales
18. Forraje
Forraje na rede
Web: http://www.forraje.com/
Facebook: https://www.facebook.com/Forraje
Twitter: @Forraje_Oficial
