XVI Castañazo Rock
Chantada
Sexta feira e sábado
Música, gastronomía e tradición para a XVI edición do Castañazo Rock, organizada pola Asociación Cultural O Castañazo. O festival, que se realiza en Chantada o 2 e o 3 de novembro, contará con grupos como Talco, Desakato, Zoo, Boikot ou Dakidarría; ademais do Castañazo Infantil, Cantos da Taberna pola vila e os Xogos Bravús e un Magosto.
Espectáculo de voz cantada e narrada
Compostela
Unitaria
Sexta feira
21.00h
Por unha Peseta é o primeiro traballo da compañía de nova creación Apatacón, da man da vocalista Faia Díaz e a contadora Vero Rilo.
Dhogs
Cangas
Auditorio Municipal
Sexta feira
21.00h
Proxección audiovisual de Dhogs, de Andrés Goteira, filme definido como unha insólita xoia do cinema fantástico e vangardista galego.
Samaín en Naraío
Naraío
San Sadurniño
Sábado
18.00h
Comezan cun obradoiro de maquillaxe, exposición de cabazas e melóns do Samaín, procesión teatralizada, degustación de castañas e papas de millo, e repichoca popular.
O serán desta aldea: O Ceo
Mondariz
Barrio do Ceo
Sábado
Mondariz acolle esta Xornada do Baile Comunal, o domingo 4 de novembro, un evento que cada ano se centra nunha aldea para homenaxear as súas tocadoras e reivindicar estas mestras da música tradicional. Este ano será no barrio do Ceo, para Flora da Ponte (falecida no 2015) e Delfina dos Martas. Tamén contarán con obradoiros impartidos por Felisa Segade e Montse Rivera (Leilía) e parladoiro coa etnomusicóloga Xulia Feixoo sobre novos contextos para o baile comunal.
Contos de medo que deixan durmir
Compostela
Praza Roxa
Sábado
18.00h
Unha sesión infantil de narración oral, a cargo de Caxoto Contacontos, para remoer o espírito dos Defuntos e a maxia do Samaín.
12 doces do Outono
Compostela
Centro Cívico de Santa Marta
Domingo
12.30h
Tanxarina Títeres adapta o clásico de Carlos Casares, A Galiña Azul, para achegar aos 12Doces un espectáculo que versa sobre solidariedade e diversidade.
Outubrofest
Pontevedra
Praza do Teucro
Até o domingo
Décima edición desta festa gastronómica organizada polo Pontevedra Rugby Club, unha xornada para toda a familia na que se poderán degustar cervexas, salchichas e codillo, a prezos populares.
Cos pés na terra
Lugo
Capela de Santa María
Até 25 de novembro
A exposición Zoqueiros e galocheiros na provincia de Lugo pretende recuperar parte da historia deste oficio. A mostra inclúe pezas do traballo e presenta algúns dos últimos artesáns.