De gastronomía
San Sadurniño
Antiga escola de Silvalonga / Local social de Bardaos
6-7.12.2019
A gastronomía será a protagonista principal durante esta fin de semana en San Sadurniño con dúas citas. A primeira delas, na sexta feira e no marco do ConcienciArte, trátase dun obradoiro de repostería de Nadal, manteigados, polvoróns e turróns de diferente tipo. A segunda cita, o sábado, xa en Bardaos, é a VIII Festa da Chanfaina en Bardaos, un prato típico e contundente que alí preparan cos mellores ingredientes.
Pucho Boedo: Un crooner na fin do mundo
Carballo
Casino 1889
7.12.2019
19 horas
O Galidoc do Casino pon o ramo á súa primeira edición, organizada polo Casino 1889, coa proxección do documental de Xurxo Souto "Pucho Boedo: Un crooner na fin do mundo", co que se pretende afondar na figura e a traxectoria musical deste gran artista coruñés, considerado todo un mito da música galega. A proxección contará ademais cun faladoiro co director do documental, Xurxo Souto, e será o sábado 7 de decembro, no Casino 1889, ás 19 horas.
Tempo de Nadal
Pontevedra
Diversos espazos
6.12.2019
Pontevédrate!
Dan comezo as actividades de Nadal, que se prolongan até o 12 de xaneiro, con obradoiros, concertos, cine ou feiras de artesanía, entre outras.
Presentación Longa noite
Compostela
Numax
6.10.2019
20 horas
Presentación, coloquio e estrea de «Longa noite» con Eloy Enciso e boa parte da equipa técnica e artística deste laureado filme.
Estouciñando
Visantoña
Santiso
6.12.2019
19.30 horas
Ciclo de músicas, obradoiros e regueifa tradicional con Xisco, Alba María e Lupe Blanco. E ao remate foliada aberta.
Teatro
Malpica
Auditorio do Centro Cívico
6.12.2019
20.30 horas
Remata a XV Mostra de Teatro de Malpica con A nena e o grilo máis aló, de Magín Blanco e Teatro Ghazafelhos.
Comedia
O Barco de Valdeorras
Teatro Lauro Olmo
7.12.2019
20 horas
Elefante Elegante presenta O rueiro das liortas, unha proposta de comedia da arte italiana e no teatro popular destinada a todos os públicos.
Faladoiro
Vigo
Marco
10.12.2019
18 horas
O último faladoiro sobre violencia machista na narrativa galega contará coa participación de María Reimóndez, Eli Ríos e Ledicia Costas.
Exposición
Ferrol
Ateneo Ferrolán
Àté 27.12.2019
Vén de inaugurarse a mostra pictórica ‘Personaxes’, de Carmen Calvo, obras con forza que definen a independencia e anarquismo da súa autora.