Os promotores do festival atribúen o crecemento ao incremento das proxeccións e, polo tanto, das espectadores. “Se en 2018 se contaron uns 5.000, desta volta foron máis de 6.600, incluíndo nesta cifra 1.500 estudantes dunha decena de centros educativos do Morrazo”. A maiores, case 3.000 persoas participaron nas actividades paralelas, 1.300 nos concertos e o resto en palestras, monólogos, programas de radio ou a ruta de tapas 5 Estrelas.
“Foron nove intensos días en que se programaron 65 actividades, posíbeis grazas ao apoio de institucións, empresas e entidades, entre as que salientan as achegas da Xunta, a Deputación de Pontevedra e o Concello de Bueu”, indica a organización nunha nota de balanzo.
A partir da vindeira semana, o festival “retomará a súa dinámica cos obradoiros cinematográficos na sede da Banda do Río”.